Siloka Kahirupan

kacida rongkahna
nafsu mamawa gobang
ngababad urat-urat kasadaran


tarung tunggul perang kalakay
baceprot sungut parebut dalil 


teu kabuka
rundayan siloka kahirupan
tungtungna papaseaan




Abdie, 02082011

Sajak Garing

hampura uing
maklum keur teu eling
gara-gara mabok ku topi miring


puguh politik nagri keur gering
balukarna hukum milu tiguling
nambah riweuh deui ucing gering
tengah poe langlang lingling
gogorowokan make topi miring


itu ulah ieu tutup, 
teu ngagugu duruk sakalian
teu satuju peureup atawa batu kana hulu
garing pisan ningali kalakuan ucing gering
teuing melaan naon teuing neangan naon
aturan jeung hukum nu aya di sapirakeun
susumbar bari tutunjuk aparat dianggap runtah


kamanusaan teuing kamana,
piraku deui binasa jeung deleka dianggap mulia
wacana kasucian jadi alesan ngabenerkeun tindakan


ah lieur, daripada gering 
mending nyieun sajak sanajan garing




Abdie,02082011