Talaga Patenggang

saliwat kalangkang nyegat
teu ngejat jadi beungbeurat
nineung nu kungsi ngabengbat
imut manis lambey ipis matak tibelat


medar carita Talaga Patenggang
ka asih nu kungsi nyanding
meungkeut deudeuh jeung geugeut
saluhureun batu tengah talaga


puguh waktu taya nu apal
salengkah kahareup saha nu nyaho
carita talaga taya tapakna
katresna tinggal kalangkang




Abdie, Situ Patenggang 2008

Ki Sunda

Sunda teh agung kacida
sabab lain suku atawa etnis
asal surti moal kudu papaseaan
pedah beda basa jeung kayakinan
sabab perbedaan teh salah sahiji tanda ka agungan

rupa-rupa ajaran jeung ageman
jadi kaendahan nu mangrupa alam dunya
tempat kuring jeung anjeun cicing
ngajalankeun ajaran jeung ageman
sangkan hirup panggih jeung huripna

Ki Sunda teu ningali saha
tapi gumantung kana lakuna jalma
anu ngabogaan sifat hade jeung deleka
sarua kudu bisa macana tur siap narima akibatna

puji lain kuring

puja lain nu anjeun

rancagekeun hate lantifkeun pikir 

hirup rukun runtun raut sauyunan

lain ukur paribasa taya tapakna

jauh tina pamuja jeung pupujieun

kuring teh anjeun keneh

anjeun teh kuring keneh

kaciwit ati sarua nyeri

raheut rasa sarua kuciwa

Abdie, Sumedang 2009

Aksara Langit

ngaguruh mawur ti luhur
hujan anu murag ka bumi
langgam langit ngagulidag
mere kahirupan ka sakabeh jalma

teu pipilih kana rupa
mangsa nepi ka beuteung bumi
ngagolontorkeun kanya'ah ka balarea
hade goreng sarua meunang

meulah rasa nurih ati
langgam hujan aksara langit
saestuna ka asih taya watesna
najan bumi pajauh jeung langit

ngaca diri dina cai
kaguar sagala rupa
lampah anu sulaya
mengkol tina asihna dunya


Abdie,Sumedang 2008

Milangkala

milang kalangkang
nu ngaliwat dina ingetan
kembang jeung cucukna hirup
ngeusian umur nu ngurangan

hariwang sakapeung melang
nyawang lampah nu kasasar
matak geumpeur ku papasten
pati nu teu bisa di ingkahan

rumingkang sagala bayeungyang
kalangkang sakabeh kahayang
milangkala mulung kaduhung
titincakan nu kasarung

tibelat muka carita
mugi hujan tetep aya
ngabaseuhan taneuh garing
sangkan hidup tetep eling

Abdie,23062011

Pasini Nu Malih Warni

malih warni
jadi kapeurih
pasini nu kungsi ngait
impian tinggal hariring
mangsa duriat kapegat

nineung diri bungah ati
teu kasawang ti anggalna
jungjunan megatkeun tali pasini
mipit langit nunda rusiah cinta

gening cinta nyura tunggara
lir di gerih ku pucuk eurih
moal rek ilang saharita
meupeus kaca dina mangsa

nyawang bagja nu katunda
jadi kawih unggal peuting
sugan langit muka rusiah
caangna bentang jadi lantera

moal la'as kuhujan
moal lapuk kakurungan
sanajan kaurugan taneuh beureum
cinta tetep jadi carita

Abdi,2010

Gatra Sawala

gatra sawala pamuka sukma
ngeunaan carita luluhur sunda
hiji nonoman ngalanglang buana

mangsa harita
katelah Pangeran Cakra Buana
mawa ageman Ki Sunda Purwa

neangan dzat anu mulia
ngulik diri ngotektak raga
sangkan hirup panggih jeung tujuanna

Abdie,25072011

Perahu Kita

gerai riak bergelombang
seperti sutra tirai telaga
kenangan perahu menuju hulu

tak henti mengayuh dayung 

perahu berlabuh di telaga sunyi

mengenang riak gelombang

seperti hamparan kalam 

lembaran agung memakna cinta

mematri janji di perahu kita

Abdie,Talaga Remis 2009

Wahai Debu

lekat di dahan kering
menambah tebalnya daki
bulir beningpun tak mampu membasuh


pekat bercapur peluh
melekat di ranting rapuh
dedaun pun perlahan melepuh


bisu bukanlah pasrah
namun resah coba membilas
meski hanya sebutir debu


wahai debu,
jika enggan kau berlalu
jadilah ayat penuntunku 




Abdie,24072011

Rumah Kita

memadu kata

kau dan aku ada

memakna bersama

hangatkan beranda

kau dan aku

menebar makna 

mengolah istilah setia

sahabat pun saudara

kata kita,

menghiasi dinding beranda

senyum jelita ramah perjaka
pun santun dan bijak para tetua


setia mengikat,
larut di sujud ikatan
di bawah atap yang sama
menulis jejak di lantai kita


mengurai riwayat,
kesetiaan menembus batas
terurai makna maya dan nyata
rumah kata rumah kita


Abdie,2011