Milangkala

milang kalangkang
nu ngaliwat dina ingetan
kembang jeung cucukna hirup
ngeusian umur nu ngurangan

hariwang sakapeung melang
nyawang lampah nu kasasar
matak geumpeur ku papasten
pati nu teu bisa di ingkahan

rumingkang sagala bayeungyang
kalangkang sakabeh kahayang
milangkala mulung kaduhung
titincakan nu kasarung

tibelat muka carita
mugi hujan tetep aya
ngabaseuhan taneuh garing
sangkan hidup tetep eling

Abdie,23062011