Talaga Patenggang

saliwat kalangkang nyegat
teu ngejat jadi beungbeurat
nineung nu kungsi ngabengbat
imut manis lambey ipis matak tibelat


medar carita Talaga Patenggang
ka asih nu kungsi nyanding
meungkeut deudeuh jeung geugeut
saluhureun batu tengah talaga


puguh waktu taya nu apal
salengkah kahareup saha nu nyaho
carita talaga taya tapakna
katresna tinggal kalangkang




Abdie, Situ Patenggang 2008