Kawih Asih

paheut, geugeut

anteb silih teuteup

bungah, guligah rasa

nyingray  lalangse hate

eungap milang mangsa

muntang sajeroning dada

buleud tekad nedunan jangji

ibarat langit pasini jeung bumi

tunda lakon, nyorang lampah

carita nu pasti moal rek robah

ngayang ngayang akar anu samar

tepung wanci, asih ngancik dina ati

laratan urang saha nu neang

mangsa datang pa anggang

paturay hamo di singlar

iwal rasa nu ngaguar

sagala carita nu pernah di pedar

papasten lain singkaheun

tapi sanghareupeun masingna diri

titis tulis tinu hiyang widi

suratan urang nepungan pati

moal la'as carita katresna

najan katurub kutaneuh beureum

jadi kidung nu mawa katineung

jadi kawih nu mawa ka asih

....

abdie, Ciremei2002