Anti Huru Hara

anti huru hara
hura-hura urang sunda
wilujeng maca
bade resep bade ngewa
teu langkung kumaha salira
dijamin moal dosa oge moal kenging pahala

cenahmah ukur ngumbara
tapi betahna kabina - bina
najan beunghar ku rupa-rupa dosa

miskin ku rasa rumasa
keukeuh ngangen hayang hirup di dunya salila-lilana
ah,mending nginum wedang jahe heula,
daripada mikiran rasa rumasa
nu katutupan haseup nu kaluar tina kenalpot vesva
...
euweuh deui ukur nulis terus maca
najan beuki dieu beuki teu kaharti
terserah rek naon di sebutna, sajak atawa puisi
carita fiksi atawa dongeng budak balantrak
nu penting teu poho kana tata jeung krama ka sasama
najan beda bahasa jeung warna kulit buayana eh budayana
...
neang hirup poho hurip
leumpang mapay paribasa
kalah jauh tina jugjugan
sabab ngarasa pangbisana
maklum, sombong mutlak sifat jelema
heuheu, lamun kasinggung berarti rumasa
tapi anu suci bersih ti lahir nepi ka bathin,
tong boro protes maledog oge meunang
asal ku bala-bala



Abdie,11.12.12