Lalakon

rupa - rupa lalakon
hade goreng bener salah
marengan renghapna nafas
dina tiap gerak jeung tapak
jadi catetan kahirupan
ngaguar tekad ucap tur lampah

ngarumpah risalah maluruh weruh
ngaji nu ngancik dina harti harta tur bahasa
ngawangian diri, medarkeun lampah manusa nu saenyana
ngamulyakeun hirup, ngabdi ka diri nagara jeung sasama

manusa ulah ukur beja
murah hampura memeh di penta
mulya tur bijaksana lain carita tapi laku nu nyata
jadi tapak nu ngajungjung idiologi nagara
caang hate bengras mata ngamumule masing - masing budaya
salah sahiji pilar nu nguatkeun kasatuan bangsa

mugi baraya sadaya
sabangsa sabahasa sanagara
aya dina limpahan asih nu maha kawasa
 

Ae,2012