perang diditu ribut didieu
pabeulit jeung harga daging sapi di jero nagri
demo ngantri nungguan giliran
ngajukeun rupa - rupa tuntutan kahirupan
pulisi kawalahan, ku pamolah nuasalna tina kahayang
juragan mentri sibuk sorangan
ngurus rumah tanggana sewang-sewangan
nu keur di rung-rung kabingung gara-gara kabutuhan
pahlawan nu biasa kabeurangan oge ngadak - ngadak teu hudang
siga nu sieun kahujanan atawa kabanjiran
anggota dewan pipilueun senam pagi
biwir baceo parebut gengsi jeung harga diri
poho kana harga daging sapi zaman kiwari
nu leuwih mahal ti harga diri
koceak dengek rahayat leutik
ningali harga sendal kulit jeung tarif listrik
biheung make biheung caang, matana burial buncelik
tungtungna ngalagu dangdut duhai politik tik tik tik tik tik
tuluy ngegel tungtung biwir saeutik
Abdie,2012
Tidak ada komentar:
Posting Komentar