Peuting Harita

Saung ranggon mere carita,
tangkal caringin di pasir peuting harita
jadi saksi anu nyata, lahirna jabang bayi 
lahir ka bumi ngalalakonkeun kaluhungan gusti
di barengan puja jeung puji


caringin mere carita
gera sadar jeung muka rasa istighfar tong elat muja,
nyata urang kudu rumasa kalakuan jauh ti sifat manusa
dosamah geus puguh loba, nyieun codeka dimana - mana,
urang memang jalma biasa, nu biasa ngalakukeun nista
nu ngimpikeun meunang sawarga, padahal euweuh daya jeung kawasa

Hampura ema, hampura bapa
mugia di lungsurkeun cahaya nu nyaangan raga
ngaraksa, nengtremkeun lampah nyata, di dunya tempat abdi ngumbara


Abdie, Saung kuring 290510