ngajanteng hareupeun eunteung
sakabeh urat sinurat kajeueung
sagala nu karandapan jadi katineung
matak tibelat mawa keueung
ngalangkang mangsa katukang
mapay lamping nyorang jungkrang
angen- angen anu kumalayang
nuturkeun sagala kahayang
Jiwa di kungkung rasa kaduhung
lantaran lampah anu kasarung
raga ieu anu adigung
ngarasa hirup linuhung
duh, eunteung bejakeun kuring keueung
duh, eunteung bejakeun kuring hariwang
duh, eunteung kasaha kuring nyalindung
Abdie, 26032011
Tidak ada komentar:
Posting Komentar