saksi kuring gunung manglayang
saksi kuring cai nu ngocor di pancuran
saksi kuring taneuh titincakan jajalaneun
saksi kuring angin anu nebak dangdaunan
saksi kuring langit sore ieu anu ngaiuhan
saksi kuring panon poe sok sanajan mega halangan
nyaluuh neda pituduh
nyembah neda pangampura
nyorang lampah anu katukang
nyeiun codeka jeung kasalahan
kiwari wancina eling
bari mapag mangsa peuting
lampah beurang jadi pepeling
sangkan taya deui karaguan
ngalakon hirup di alam dunya
ngajalankeun papasten tinu kawasa
kawasa hirup jeung sagalana
huripna kuring hirup Anjeun
hirup Anjeun huripna kuring
Abdie, 21032011
Tidak ada komentar:
Posting Komentar