Talaga Sanghyang

Mapay laratan kalakay
Nyukcruk galur tutungul
Lakon para luluhur baheula
Talaga Sanghyang ngaguar carita


Ngulik harti rentetan siloka
Ngotektak bacaan waruga
Suratan tinu kawasa
Papasten sakabeh jalma


Taya bentang nu maturan
Ukur cika cika luhureun cai talaga
Sing kariceup matak nineung ningalina
Katambah hiliwirna angin peuting


Ningali kalangkang diri
Atra sagala kacipta
Rengkak tur paripolah
Jadi eunteung pikahareupeun






abdie, Talaga,2000